Nokkuð er síðan vinna hófst við gerð nýs aðalskipulags fyrir Dalabyggð en þegar þetta er ritað er stutt í að það verði auglýst. Fyrirtækið Landmótun hefur unnið skipulagið fyrir sveitarfélagið og höfðu þessir aðilar snemma í ferlinu samband við Hestamannafélagið Glað. Var óskað eftir því að félagið gerði tillögur að reiðleiðum þeim sem birtar skyldu í skipulaginu. Þrátt fyrir afar takmarkaða ferðareynslu undirritaðs fól stjórn Glaðs honum að hafa umsjón með verkinu.
Vinnan fór að mestu fram veturinn 2004-2005. Byrjað var á því að safna saman rituðum heimildum, þær skoðaðar og leiðir sem þar komu fram listaðar upp. Þetta var síðan borið undir fjölmarga fróða menn með viðtölum og voru leiðir ýmist strikaðar út eða bætt við. Þessir heimildamenn aðstoðuðu einnig við að teikna leiðirnar inn á vinnukort sem Landmótun útvegaði til verksins. Framlag sumra þeirra var mikið, annarra minna eins og eðlilegt er en þeim eru hér með öllum færðar þakkir fyrir (sjá heimildamenn hér að neðan). Að lokum sá svo undirritaður um að númera allar leiðirnar áður en öllu saman var skilað inn til Landmótunar. Starfsfólki Landmótunar, sérstaklega Gísla Gíslasyni, landslagsarkitekt, er þakkað gott samstarf. Öll kort sem birt eru á þessum vef eru frá þeim eða unnin úr þeirra kortum.
Ritaðar heimildir:
Heimildamenn (viðtöl):
Febrúar 2006, Þórður Ingólfsson